Boltaferð til Liverpool - Meet the Legends

Liverpool – Arsenal 5-1 

Dags. ferðar: 7-10 febrúar 2014
 
Flugvallaraksturinn var frábær, nóg lappapláss í bílnum og bílstjórinn var snillingur
 
Gistingin er alveg frábær og frábær þjónusta á barnum. Tom, barþjónninn var frábær og frábær matur, full English breakfast alla morgna
 
“Meet the legends”: Það var alger snilld að fá að hitta meistara Phil Thompson. Hann stoppaði lengi og talaði mikið og sagði fullt af sögum frá sínum ferli sem leikmaður og sem aðstoðarþjálfari; alger snillingur.
 
Við fórum á Bítlasafnið og í alls konar göngur um svæðið, fórum á skipasafnið og þrælasafnið. Það er mikið af áhugaverðum söfnum að skoða í Liverpool, en náðist ekki að komast yfir það allt enda borgin stór borg.
 
Þjónusta ÍT ferða var frábær. 
 
Joe sem var fararstjóri hjá okkur er náttúrulega legend.
Við biðjum bara kærlega að heilsa honum og þúsund þakkir til hans.  
 
Þetta var fullkomin ferð, frábær í alla staði og munum við feðgar klárlega fara aftur, því þetta var svo gaman. Fólk í Liverpool er mjög almennilegt og þar snýst allt um fótbolta; fólk lifir fyrir félagið.
 
 
Feðgarnir Pétur Valur og Pétur Magnús 
 
 

 
 
 

 

Liverpool vs. Arsenal

Frábært að hitta Phil Thompson

 

Boltaferð til Englands 7.-10. febrúar 2014 

Flugvallaraksturinn: Frábær þjónusta

Gistingin: Frábærlega heimilislegt að búa á “KRÁ” og Joe og hans fólk lætur mann algjörlega gleyma því að gistingin sé ekki sú besta í bænum.

“Meet the legends” hlutinn: Algjörlega frábært að hitta Phil Thompson; maðurinn er stórskemmtilegur og hafsjór af fróðleik.  Upplifun að fá að hitta svona stórt nafn frá Liverpool.

 Þjónusta ÍT ferða var flott og sömuleiðis öll þjónustan erlendis:Allir bílstjórar sem að keyrðu okkur til og frá flugvelli og á Anfield alveg frábærir. Joe og hans folk á kránni algjörir snillingar. 

Plúsar: Aksturinn á flugvöll og á leikinn, alveg meiriháttar að hafa bíl til að komast til baka af leiknum. Þrátt fyrir að gistingin væri ekki frábær þá var staðsetningin góð og dvölin á hótelinu frábær þar sem allt starfsfólk og andrúmsloft á hótelinu (kránni) var alveg frábært. Í raun passar þessi gisting alveg 100% fyrir svona ferð.  Góður matur á kránni hjá Joe (kemur skemmitlega á óvart).  Liverpool er frábær borg þar sem að hægt er fara fínt út að borða á sanngjörnu verði og verð í verslunum er lægra en maður þekkir t.d. frá London. Klárlega borg sem hægt er að fara með fjölskylduna í gott frí. 


Heildarmat á ferðinni/umsögn: 
Frábær ferð, leikurinn, fólkið og í raun gistingin, allir í mínum hóp eru farnir að ræða um næstu ferð.

 

Einar Þór Magnússon, Samsung setrið – Bræðurnir Ormsson í feb. 2014

 

 

 

 
Karlakórinn Lóuþrælar
 
Söng- og skemmtiferð til Færeyja 2012
 
Við gistum á Hotel Föroyar, flott hótel og yndislegt starfsfólk.
Farið var til Götu í söngferð og skoðunarferð til Gjógv, frábærar ferðir + Ólafsvakan, allur pakkinn! Öll samskipti okkar við Hörð, Hannibal og Írisi hjá ÍT ferðum voru með miklum ágætum. Mjög þægilegt fólk sem alltaf var tilbúið til þjónustu.
 
Allt í sambandi við þessa ferð var plúsmegin.Til dæmis má nefna rútubílstjórann okkar sem var mjög góður, bílhræddasta fólkið í hópnum fann ekki fyrir þeirri veiru undir hans handleiðslu, slíkt var öryggið.
Þá má ekki gleyma þeirri sérstöku upplifun að vera áhorfandi og þátttakandi í Ólafsvöku þeirra Færeyinga, slíkt gleymist ekki.
Frábær ferð þar sem allt gekk eins og áætlað var, undir styrkri stjórn starfsfólks ÍT ferða. Þúsund þakkir fyrir.
   
Rafn Benediktsson, formaður karlakórsins Lóuþrælar í Húnaþingi
 

 
 
 
,,.....erum alveg í skýjunum með ferðina; allt var eins og best verður á kosið".
 
Golfferð til Spánar
- La Finca 11.-18. apríl 2012

 
 
"Sælir félagar!
 
Langar bara að þakka kærlega fyrir okkur. Við feðgarnir og Frosti erum alveg í skýjunum með ferðina; allt var eins og best verður á kosið.
 
Aðstaðan á La Finca er hreint út sagt frábær í alla staði, hótelið nýtt og flott, maturinn góður og þjónustan til fyrirmyndar.
 
Svo toppaði náttúrulega framúrskarandi fararstjórn þetta með því að sjá um okkur og greiða götu okkar alla dagana eins og best var á kosið. Maður fann virkilega að það var af heilum hug og áhuga."
 
Kærar þakkir fyrir okkur,
 
Frosti, Matti og Ólafur Haukur
 

 

 

 

,, Ég mæli með ÍT ferðum og þessum stað fyrir æfingaferðir".

 

 

Æfinga- og keppnisferð til Albir á Spáni,
-Knattspyrnuferð Fjölnis, 14 ára piltar og fjölskyldur, júní 2011.

„Hópurinn sem fór út var um 56 manns, 38 strákar ásamt fararstjórum, þjálfurum og öðru góðu fylgdarliði. Allt gekk vel upp, Albir Garden er fínt hótel með flottan sundlaugargarð.  Albir er rólegur bær og mjög gott að vera með krakka á þessum stað. Vellirnir sem við fengum voru mjög góðir en smá ganga var á grasvellina.   

 

Annars voru allir mjög sáttir og allt sem lagt var upp með stóðst alveg. 
Foreldrar sem komu með hópnum og gistu á öðru hóteli voru líka mjög ánægðir með þjónustuna hjá ÍT ferðum. Frábær Fjölnisferð til Albir. Ég mæli með ÍT ferðum og þessum stað fyrir æfingaferðir.

 

PS. Gleymdi einu. Eins og sæmir sönnum Íslendingi þá verð ég að minnast á veðrið.
Það var auðvitað algjör snilld, 28 gráður og sól alla daga, verður ekki betra.“

 

 

Fjölniskveðja

 

Guðmundur L Gunnarsson, fararstjóri og foreldri

 



 

 

 

,,Við mælum eindregið með þessu frábæra móti".

 

 

Handknattleiksmótið Interamnia World Cup á Ítalíu,
-4. fl. kv. Vals júlí 2011.

 

 

Í sumar fórum við Valsstelpur á Interamnia World cup í Teramo. Þetta var vel skipulagt mót sem spilað var að mestu úti á fínum völlum.  Við spiluðum 6 leiki í mótinu og unnum 4 af þeim, vorum hársbreidd frá því að tryggja okkur í úrslitin.   Ferðin var frábær í alla staði, við gistum nálægt ströndinni í Giulianova sem var mjög vinsælt og nýttum við frítímann vel á ströndinni m.a með því að fara í strandarblak.  Við mælum eindregið með þessu frábæra móti og stefnum á að vera með á fertugasta mótinu sem fram fer næsta sumar.

 

 

F.hönd Vals

  

 

Handboltakveðjur

 

Hrafnhildur Skúladóttir

 



 
 
,,Takk fyrir frábært mót og góða skipulagningu!"
 

 

 

Knattspyrnumótið Vildbjerg Cup í Danmörku,
-3. fl. kv. Höttur ágúst 2011.

„Við flugum til Billund og fórum í rútu til Vildbjerg.  Vildbjerg er mjög krúttlegur bær og nánast allir garðarnir fullir af blómum, allir runnarnir fallega snyrtir og þar er nánast allt hellulagt.  Við gistum í Vildbjerg sportcentre og þar er mjög flott og góð aðstaða.  Til að byrja með vorum við í herbergi með fimm kojum og gistum tíu þar saman. Síðar fórum við í annað herbergi og þar voru fjögur einbreið rúm, flatskjár og baðherbergi. Við tókum sértaklega eftir því hvað allt var snyrtilegt og hreint.  Maturinn var mjög góður, sérstaklega morgunmaturinn, alltaf vel útilátið og flott borið fram.  Vellirnir í Vildbjerg eru flottustu vellir sem ég kem spilað á, allir fagurgrænir og sléttir. Mér fannst mjög gaman á mótinu og allar stelpurnar í liðinu eru sammála mér að Vildbjerg er sérstaklega fallegur með frábærri aðstöðu til að spila fótbolta. Flestar vildu ekki fara heim og höfðu orð á því að þær vildu helst búa í Vildbjerg.  Takk fyrir frábært mót og góða skipulagningu!“

-Móeiður Klausen, 15 ára leikmaður Hattar Egilsstöðum. 

 


 

 

 ,,..þetta var ógleymanleg ferð að öllu leyti, frábærir ferðafélagar, vel að öllu staðið",

 

 

 

Sögu- og menningarferð til Tyrklands 15.-24. okt. 2010

 

 

„Ágæta Hjördís.

 

Kærar þakkir fyrir tölvupóst,myndir,bókalista,ferðalýsingu, hlýjar og góðar kveðjur. Tyrklandsferðin var bæði þrælskemmtileg og stórfróðleg þökk sér þér og Jóni. Ég legg svo á og mæli um að þið  sláið ykkar fögru og frjóu ferðahöfuð sem oftast saman og bjóðið okkur óbreyttum ferðalöngum að slást með í för á framandi ævintýraslóðir.

 

Tyrklandsfarar allir sem einn takk fyrir að hafa verið góðir ferðafélagar.“

 

-Kk. Ester

 

 

“Tek undir allt með Ester.
Þetta var virkilega vel skipulögð og fróðleg ferð um framandi slóðir, sem mun lifa lengi í minnum okkar. Bestu kveðjur frá okkur Svani til allra með þakklæti fyrir skemmtilega ferð og ánægjuleg kynni.”
-Erla

 

 

“Kæru ferðafélagar,
Ég er hjartanlega sammála ykkur, þetta var ógleymanleg ferð að öllu leyti, frábærir ferðafélagar, vel að öllu staðið, uppfyllti allar mínar væntingar. Nú lifir maður á minningunum og skoðar myndir.”
-Solveig

 


 

 

 ,,Mælum eindregið með þessari ferð"

 

 

 

Knattspyrnuferð Þórs frá Akureyri,

 

-3. fl. karla fótbolti Aarhus Football Festival júlí 2011

 

 

”Mótið: Allt mótið og umgjörðin í kringum það var mjög gott sem og þjónusta á mótinu. Það var t.d vel valið í riðla miðað við styrkleika liðanna og 90% af dómurum starfi sínu vaxnir.

 

Afþreying (þ.m.t. skoðunar- og skemmtiferðir): Snilld, strákarnir gátu farið í tennis, fótbolta, tölvur, á diskó og eins er mikið að skoða utan svæðis ef vilji er fyrir hendi. Við fórum t.d. í Tívolí, á ströndina, þrjár sérstakar bæjarferðir í verslun, á listasafn og skoðuðum gamla bæinn J

 

Maturinn: Mjög fínn.

 

Heildarmat á ferðinni: Við skemmtum okkur alveg frábærlega vel bæði utan valla og innan. Mælum eindregið með þessari ferð.”

 


 

 

,,Langar að þakka ykkur fyrir mjög góða ferð "

 

 
Æfinga- og keppnisferð til Albir,
-m.fl. kv. Sindri, Hornafirði páskana 2011.

"Langar að þakka ykkur fyrir mjög góða ferð.  Vorum mjög ánægð og skemmtum okkur konunglega, ekki við öðru að búast"
 
 
-Sindri Ragnarsson, þjálfari m.fl.kv. Sindra

 

 
"Ég var mjög ánægð með þessa ferð okkar.  Allt gekk vel og hópurinn þjappaðist vel saman.  Starfsfólk ÍT ferða sem og Albir Garden var mjög hjálpsamt og til í að aðstoða okkur við allt.  Við fengum að ráða okkur mikið sjálf og ekki föst við einhverja dagskrá sem var mjög þægilegt"

 


-Sandra Rán, Sindra Hornafirði

 

 


 

 

 

,,Það er greinilega vel að öllu staðið og ykkur til mikils sóma."

 
Ferð í fótboltaskóla Bobby Charlton,

"Nú er drengurinn kominn heim úr fótboltaskólanum, sæll og glaður.  Hann var mjög ánægður með ferðina, alla aðstöðu og þá starfsmenn sem að þessu komu bæði fararstjóra og þjálfara.  Það er greinilega vel að öllu staðið og ykkur til mikils sóma.  Hann hefði alveg getað hugsað sér að vera lengur.  Ég ítreka að drengurinn er alveg í skýjunum með þessa ferð og mun ég mæla með þessu við alla þá sem vilja vita um skólann"

 


-Úlfar Steindórsson, foreldri og ÍR-ingur 2010


Þessi ferð verður örugglega besta lífsreynsla sem ég hef og mun upplifað, hverra krónu virði og er að pæla að fara aftur 2011. frábær þjónusta og allt var bara geggjað


-
Íris Eir Ægisdóttir, leikmaður frá Grindavík 2010

 

 


 

 

 

,,Allt gekk upp frá A-Ö og krakkarnir voru ofsalega ánægðir"

 

 

Æfinga- og keppnisferð til Albir á Spáni,
-
Ferð 4.flokks karla og kvenna hjá Víði Garði júní 2010.

"Ferðin hjá okkur var frábær. Allt gekk upp frá A-Ö og krakkarnir voru ofsalega ánægð og sátt er þau komu heim. Þessi ferð mun lifa í minningu þeirra fram á fullorðinsárin og við farastjórar og þjálfari munum eiga mjög góða minningu um þessa ferð með 4. flokk karla og kvenna í Víði. Æfingar, leikir, skemmtigarðar, hótelgarðurinn, maturinn; þetta var allt frábært. Albír mun eiga núna sess í okkar huga.

Takk kærlega fyrir okkur og munum við mæla með ykkur til verðandi 4. flokks karla og kvenna í Víðir."

 

-Farastjórar 4. flokks Víðis í Garði, 28. júní 2010

 

 


 

 

 

,, Öll þjónusta til fyrirmyndar"

 

Æfinga- og keppnisferð til Lökken í Danmörku,
-ÍR 9. fl. kv. karfa júní 2010

"Lökken er lítill fallegur staður sem er gott að koma á. Þar er íþóttaaðstaða til fyrirmyndar og þar sem þetta er lítill staður er öruggt að fara með hóp af krökkum og unglingum. Þetta var í alla staði frábær og eftirminnileg ferð fyrir stelpurnar. Öll þjónusta til fyrirmyndar og sundlaugin er rosa flott og hreinleg. Flottur þreksalur sem er opinn öllum sem koma í miðstöðina. Starfsfólk með þægilegt viðmót og vill gera allt vel og láta öllum líða vel. Maturinn var mjög góður alla dagana og dekrað við stelpurnar, fararstjóra og þjálfara og bauðst okkur að taka með nesti í þær ferðir sem við fórum.  Í hópnum voru nokkir sem ekki máttu borða  kjöt, hnetur, egg og skelfisk og var til fyrirmyndar hvernig leist var úr öllum þessum málum. Stelpurnar eru alsælar með þessa ferð. Ekki spillti fyrir að veður var frábært. Mæli með þessum stað."


-Fararstjórar og þjálfari 8. og 9. fl ÍR kvennakarfa

 

 


 

 

 

,,Sérstaklega viljum við þakka fyrir jákvætt viðmót og allan lipurleika og hjálpsemi við undirbúninginn".

 

 

Ferð til Åbo, Finnlandi,
-
St. Andr. Hekla, ágúst 2010.


"Fyrir hönd okkar í ferðanefnd St. Andr. Heklu vil ég færa þér og samstarfsfólki þínu okkar bestu þakkir fyrir ykkar framlag við ógleymanlega ferð til Åbo. Allt sem þið sáuð um stóð eins og stafur á bók. Sérstaklega viljum við þakka fyrir jákvætt viðmót og allan lipurleika og hjálpsemi við undirbúninginn."


-Sigmundur Örn Arngrímsson

 

 


 

 

 

,,Afþreying á svæðinu er til fyrirmyndar sem og þjónusta ÍT ferða. "

 

Ferð á Football Festival Denmark,
-
KR 4. fl. kv. júlí 2010.


"Allt gekk vel og mjög gott að ÍT-ferðir skyldu geta tekið yfir upprunalegu flugbókunina hjá Icelandair.  Gistingin var framar vonum og við fengum ísskáp sem skipti sköpum.  Maturinn var ágætur, svolítið einhæfur, en skiljanlegt miðað við fjöldann í mat.  Mótið og æfingaleikirnir var með fínt fyrirkomulag,  og afskaplega ánægjulegir æfingaleikir. Það er nauðsynlegt að hafa æfingaleiki þegar lið komast ekki í undanúrslit.  Afþreying á svæðinu er til fyrirmyndar sem og þjónusta ÍT ferða.  Góð þjónusta og fínt viðmót hjá mótshöldurum og greinilegt að það er gott samband milli mótshaldara og Íslendinga. Okkar hópur naut góðs af því. Heildarmat á ferðinni er: Frábær!"

-Inga B. Sólnes fararstjóri og foreldri

 

 


 

 

 

,,Skipulagið á þessu móti er alveg til fyrirmyndar"

 

 

Ferð á Gautaborgarmótið í körfubolta,
-
9. fl. kv. Njarðvík, maí 2010.


"Ferðin var í alla staði alveg frábær, vel skipulögð, tímasetningar á mótinu standast allar.  Gistingin var mjög fín, gistum á Scandic Opalen, sem er vel staðsett hótel.  Mótið var mjög fínt hörkuleikir sem stelpurnar fengu og skipulagið á þessu móti er alveg til fyrirmyndar. Liseberg tivolíið er alveg frábær garður sem er alveg hægt að fara í oftar en einu sinni, og krakkarnir fá aldrei nóg af honum.  Þjónusta ÍT ferða var alveg til fyrirmyndar, alveg sama hvaða erindi við bárum upp það var allt gert fyrir okkur sem hægt var. Mælum hiklaust með þessu þegar svona hópar eru að fara. T.d. þegar við vorum á heimleið þá voru tafir vegna öskufalls en það kom ekki að sök því ÍT ferðir voru í sambandi við okkur og gerðu allt sem þeir gátu gert til þess að þetta færi á sem bestan hátt sem það gerði.  Mæli hiklaust með þessu móti er búin að fara 2x sinnum á þetta mót og bæði skiptin mjög ánægð. Stelpurnar voru alveg í skýjunum líka."

-Bylgja Sverrisdóttir, þjálfari.

 

 


 

 

 

,,Þetta mót er frábært fyrir lið sem eru að leita að körfubolta og skemmtiferð".

 

Ferð á EuroBasket á Spáni,
-
9. og 10. fl. kv. frá Keflavík,  júní/júlí 2010.


"Þessi ferð var í alla staði gríðarlega vel heppnuð. Ég hef farið í þó nokkrar keppnisferðir á mínum ferli og mun þessi ferð standa upp úr hjá mér. Þetta mót er frábært fyrir lið sem eru að leita að körfubolta og skemmtiferð.  Mótið var mjög skemmtilegt. Við fengum 5 leik og þar af voru 3 leikir alveg hörkuleikir. Á staðnum er alveg helling í boði, við fórum í vatnsrennibrautagarð og það var mjög gaman.  Lítill og góður bær til að fara með svona hóp. Fín aðstaða í bænum og aldrei langar vegalengdir, allt í göngufæri.  Þjónusta ÍT ferða var frábær! Samskiptin við þá voru mjög góð og allt sem þeir sögðu stóðst."

 

-Erla Reynisdóttir, þjálfari

 

 


 

 

 

,, ...algjört snilldar mót"

 

 
Ferð á Göteborg Basketball Festival,
-
9.fl. Njarðvíkur, maí 2007

"Sæl öll!
Ferð okkar með 9.flokk UMFN til Gautaborgar var frábær. Mótið er alltaf að verða betra og betra og allt skipulag til fyrirmyndar. Hiklaust mæli ég með þessu og að við förum í það á fullt að markaðsetja mótið fyrir næsta vetur. Fleiri lið ættu hiklaust að skella sér þarna enda algjört snilldar mót. Það stóðst allt sem þið lögðuð upp með og þjónustan var frábær.
Eigið hrós skilið og sendi ég ykkur þakkir og heillaóskir frá 9.flokki UMFN pilta.
Þúsund þakkir"

-Örvar Þór Kristjánsson
 

 


 

 

 

,,.. allir töluðu um að allt skipulag hafi gengið eins og smurt...við erum ekki vön því".

 

 

Námsferð kennara til Liverpool 19.-23. feb.  2007

“Það gekk allt frábærlega vel. Móttökurnar í skólunum fóru fram úr okkar björtustu vonum og þessir skólar virkilega lögðu sig fram við að sýna okkar allt sem þeir hafa upp á að bjóða. Við sáum margt mjög athyglisvert því þessir skólar eru mjög ólíkir. Hótelið er á frábærum stað og skemmtilegt fyrir hópa að vera þar, því nóg var plássið á ganginum. Rúturnar voru alltaf á tíma og allir töluðu um að allt skipulag hafi gengið eins og smurt...við erum ekki vön því.”

Reykjavík 7. mars 2007

-Inga María, kennari Rimaskóla

 


 

 

 

,,... allt gekk bara 100% upp".

 

Boltaferð í sept. 2006

"Ég vil bara þakka fyrir okkur. Það voru allir mjög ánægðir með þessa ferð þó að úrslitin í sumum leikjum hefði mátt vera betri. En það voru allir ánægðir með allt í ferðinni og allt gekk bara 100% upp. Menn voru meira að segja það glaðir að sumir vildu fara að skipuleggja næstu ferð í flugvélinni til baka. Allir komu heim ánægðir en þreyttir. Takk kærlega fyrir alla hjálpina."

-Auðunn Gunnar Eiríksson, Hönnun - Starfsmannahald

 


 
 
,,Okkur finnst eins og við höfum gefið þeim gull,"
 
 
Bobby Charlton fótboltaskólinn,

 

"Komið þið sæl og blessuð kæra starfsfólk ÍT ferða.

Okkur langar til að þakka ykkur kærlega fyrir börnin okkar tvö sem fóru með ykkar fólki í Bobby Charlton knattspyrnuskólann. Hvílík gleði, allt frábært; góður staður, frábærir þjálfarar (húmorinn í góðu lagi) og fótboltamömmurnar ferlega góðar. Þetta var bara tær snilld eins og þau segja. Þessa ferð fengu þau í fermingargjöf frá okkur. Okkur finnst eins og við höfum gefið þeim gull, því þau voru svo ánægð.

Hafið kærar þakkir fyrir"

Jóna Sigurðardóttir og Ólafur Róbertsson
10. ágúst 2006

 


 
 
,,Þessi staður er alveg frábær"
 
 
Umsögn um golfferð til La Manga á Spáni

"Sæll
 
Vildi þakka kærlega fyrir frábæra ferð enn og aftur til La Manga á Spáni. Þessi staður er alveg frábær og æðislegt að vera þarna. Það eru allir sammála sem fara þarna að þetta sé algjör lúxus og meiriháttar staður. 
 
Takk aftur fyrir okkur, kv."

-Helen Neely, Markaðs- og fjármálastjóri
 

 
 
,,ALLT stóðst 100%, allt gekk upp og ALLIR voru ánægðir!"
 
 
Íþróttamiðstöðin Lökken Danmörku

 

"Heill og sæll Hörður.

Mér datt í hug að senda þér smá línu vegna Danmerkurferðar okkar hjá 4. flokki karla ÍA, en við fórum í viku til Lökken í júní 2003. Mig grunar að það sé væntanlega oftar sem neikvæðni og kvartanir heyrast frá viðskiptavinum, en það sem jákvætt er vill hins vegar oft gleymast. Eins og þú eflaust veist hef ég farið í margar utanlandsferðir til æfinga og keppni, bæði sem leikmaður og sem þjálfari. Ég hef heimsótt fjölda landa og liða og tel mig því vel í stakk búinn til að meta svona ferðir og vil segja þér frá því að þessi umrædda ferð okkar í sumar var FYRSTA ferðin sem ég hef farið þar sem ALLT stóðst 100%, allt gekk upp og ALLIR voru ánægðir! Staðurinn er frábær, vellir til fyrirmyndar, gistiaðstaða frábær, viðmót starfsfólks einstaklega gott og jákvætt, maturinn góður os.frv. os.frv.

Ég hef líka sagt stjórnarmönnum hjá UKÍA að ég leggi til að við höldum okkur við þennan stað fyrir okkar keppnisfólk í framtíðinni.

Mér fannst rétt að koma þessum skilaboðum áleiðis og óska þér/ykkur alls hins besta í framtíðinni, vonandi eigum við eftir að eiga aftur saman svona gott samstarf! "

Bestu kveðjur
-Ólafur Jósefsson þjálfari Akranesi.